How Naija Players take do for Premier League first week
Leicester 1 – 2 Hull
Super Eagles assistant skippo, Ahmed Musa, play hin first Premier League match for Leicester City as dem lose 2-1 to Hull City for inside dem own backyard. Hin play de full match.
| Southampton | 1 – 1 | Watford |
Odion Ighalo dey inside de game for 80 minutes befor coachie use Ikechi Anya replace am. Success Isaac wey be record signing for Watford no fit play for de match becos hin wounjur.
| Manchester City | 2 – 1 | Sunderland |
Kelechi Iheanacho enta de match for 10 minute to wen referee go fire final whistle. Hin enta for Gael Clichy for de match. De 20 years pikin bin get som chances to increase lead for City but Sunderland goalie no gree am.
Arsenal 3 – 4 Liverpool
Alex Iwobi do sweet assist give Theo Walcott to score for 31 minute befor dem comot am for Alex Oxlade-Chamberlain for 59th minute. But Arsenal lose de match sha.
