Bangladesh wan kolobi Saintfeit from Naija as head coachie
De Bangladesh Football Federation (BFF) don dey try dem best to kolobi Tom Saintfeit as head coachie of de Bangladesh national team.
Saintfeit na one of de oyinbo coachies wey dey for 3-man shortlist of coachies dem wey fit chop head coachie of Super Eagles of Naija.
As per amebo wey dey ontop African Football, Bangladesh don already follow Saintfeit word and de guyman dey de country now sef.
Saintfeit even confam am sef say hin dey Bangladesh now sef but hin dey wait for Naija make dem open mouth talk first befor hin sign.
“Yes o, I dey Bangladesh now now and dem don gimme offer o and dem even dey wait make I sign sef. But me dey wait for wetin NFF go yarn first o make I no lose for two places,” naso Saintfeit take relate.
As per amebo wey dey everywia for Naija media, NFF don already reason Paul Le Guen as de coachie for Naija and dem bone Saintfeit.
Dat one go be one of de reasons why de oyinbo don dey reason hin future mata wella travel go Bangladesh..
